Ua tofia ai nei Ms Aliona Niculita e avea ma sui ole UNDP

SHARE NOW

Ua tofia ai nei Ms Aliona Niculita e avea ma sui ole UNDP, United Nations Developement Programme i Samoa ma ua mae’a ai foi ona tuuina atu ona tusi tofiga ile malo o Samoa, ma tauaaoina e le afioga ile Palemia, Fiame Naomi Mataafa ile amataga ole vaiaso nei. 

 Na saunoa ai le taitai o le malo, talosia le galulue vavalalata ai ma le sui fou lea, Ms Niculita ia faaleleia atili ai le sootaga i tupe maua mai aafiaga ole tau ma galuega faatino, ae ole faatamaoaigaina o tamaitai, ma le taofia o sauaga faasaga i tina ma le tele o isi mataupu. 

Ms. Niculita, sa galue i lalo o le UNDP i Pakistan. Ua silia ma le 25 tausaga o lona ia foi silafia i galuega tau faalapotopotoga e tau atinaa’e. 

Sa galue foi i le Republic o Tajikistan, Moldova,  the Kyrgyz ker kas Republic i Asia tutotonu, New York, talu mai le tausaga e 1993 sa galue ai mo lona malo o Moldova, e iai lona tikeri faaloia. 

Ua folafola mai , ile avea ai o ia ma sui o Malo aufaatasi i Samoa, o le a galue vavalalata ma le malo, sosaiete ma faalapotoptoga tumaoti, e lagolago ile atunuu, ia siitia le faaauau ai pea ona leai se ola faalagolago, faapea tulaga lamatia mai suiga o le tau.  

Ua sui tulaga ai nei o ia mai ia Mr. Jorn Sorensen lea na mae’a lona taimi galue e fa tausaga,  ile masina o Setema.