E ese le gagana a tagata faatau, ese foi le gagana a le aufai faatoaga.
Ole faamalamalamaga faigofie lena na faaleo ele Minisita o Faatoaga Susuga a Laaulialemalietoa Polataivao Leuatea Schmidt i le Palemene o le Aso Gafua 26 Iuni.
Ia tuuititia ai le alagaina pea e le au faatau ole taugata oloa ile maketi. Peita’i ole aufaifaatoaga uma lava e talitonu ma latou ioeina le saunoaga a Laauli, e ese le latou gagana ese foi le gagana a le tagata faatau.
Saunoa Laauli, ole taimi lenei ua taugata ai meamata , ole taimi selesele ma manuia lenei mo faifaatoaga . e le na’o le maketi o manuia ai faifaatoaga e oo foi i talo o loo faatau atu i fafo. Saunoa Laauli mai le 10 pusa oloa sa sau ai, lea ua fasolo atu i le 20 container talo e ave i fafo.
Ae mo le maketi lava ia, ua manuia le aufaifaatoaga, ina ua siitia i luga le tau o latou ola, pei talo ma fualaau, e alagaina ai loa e le au faatau le faapea mai ua taugata le soifuaga.
E oo lava ile taga talo ua manuia foi le au fai taga talo, ina ua sau lava mai le 60 sa iai ile taga 22kili ile 90tala ile taga lea ua iai nei.
O faamaoniga na ole manuia o le aufai faatoaga, ina ua tele le mana’omia ole talo.
Ae ua fautua le Minisita ole mafuaaga tonu lava lena ole uluai seleselega o faia nei, ia lava taumafa ma faatau atu i fafo aemaise ole taimi mana’oia pei ona iai nei, ua manuia ai le aufai faatoaga.
