Umi ona loka e leoleo i Ausetalia e faatali se faamatala upu 

Ua faaumiumi ai ona loka se vaega o le aufaigaluega faavaitaimi, i Ausetalia, i lalo ole vaaiga a leoleo.

Talu e le’o lava tagata faamatala upu, poo e faaliliuina faamatalaga a le au solitulafono mai le faaSamoa ile faa Peretania.
O se faamatalaga mai lea ile tatou paaga o loo va lalata ma le pulega o kamupani ae o le malo o Ausetali, e sootaga i tagata faigaluega faavaitaimi o loo la’u atu i atumotu o le Pasefika, aemaise ai o tagata atu i Samoa.
Na ta’ua e le tatou sooupu:

“Ua matuã utiuti le vasega o faamatala upu, ua lē mafai ai ona faataunuu nisi o faamasinoga, ma umi ai ona tolopō, pe lokaina fo’i le toatele o nisi ona o le leai o ni faa-matalaupu”

]O soligatulafono taatele lava o loo maua ma tuuaia ai fanau atu a Samoa lava ia, e afua mai le tagofia o le ava malosi, o faaaoga o fualaau faasaina, ole fetaua’i, ma faaaoga ai a’upega mata’utia.

Ole faaiuga o le vaiaso na avatu ai ni alii se to’atolu ile falemai.
Talu lava mafuaaga o ta’ua i luga ma oo atu ai ina faaaoga a’upega mata’utia pei o agaese ma fagu.

O lipotia mai e le tatou sooupu, o le faaluma aiga , matua, atunuu, aulotu, aemaise o tagata Samoa i Ausetalia, amioga le taupulea a se vaega o alii ma tamaitai o loo avatu i galuega faavaitaimi i Ausetalia.

Ma fautuaina mai ai le malo, poo le pulega o loo filiina tagata e avatu i Ausetalia i galuega, ia faamaoni ona faatino, mai lava ile siaki o soifua maloloina o tagata, ma latou lipoti ane i ofisa o leoleo, ae ose faamatalaga o lena tagata mai aiga tuaoi ile nuu o nofo ai i Samoa.
Ua le faailogaina se taimi ole vaiaso e tupu ai fetauaiga ile va o alii. E iai Ekalesia Samoa i Ausetalia o loo lolotu iai isi aufaigaluega, ma latou ave iai le faataua, ole filemu, fealofani ma le onosa’ia o fafitauli.

Ae oo mai i le taimi na tapena ai le tatou lipoti lenei ae ua lima o leoleo se alii na ia faaoomanu’a tuga i le toatolu o le latou vaega ile Aso Toonai ma ua faia iai suesuega.