9 Ianuari 2025, Samoa: E leai se matua e fia fa’aa’oga sona alo i se falea’oga e le ato’atoa ona lelei. E leai fo’i se tamaititi e fia a’oga i se falea’oga e lē malupuipuia ai latou.
O le saunoaga lea a le Minisita o le Matagaluega o Aoga ma Aganuu afioga Seuula Ioane ile tatala aloaia ai o le Faleaoga tulagalua a le Afioaga o Siufaga Falelatai ile aso malolo ole tausaga fou.
Ma o se tala fiafia afoi lea mo nei alo ma fanau olea aooga ai ole ae atu loa ae ua soifua maloloina ma mama se siosiomaga faaleaoaoga ole aooga ai mo lenei tausaga ma le lumanai foi.
O le afioga Seuula ua leva foi tausaga o galuega o se faiaoga i le Aoga Tulaga Lua o Siufaga ma o se fiafiaga i le tama o le matagaluega le toe molimauina o lenei faamoemoe taua ae ua tulai mai ile taitaia o le Matagaluega o Aoga ma Aganuu.
E tusa ma le to’a 200 fanau aoga sa aoaoina i lenei laumua i le tausaga ua tuanai ma o loo iai foi le manatu o le a siitia lenei numera i lenei tausaga ona o lea ua matagofie ma fou mea uma o lea aoaoina ai le fanau aoga o Siufaga i lenei tausaga faaleaoaoga.
Na tauaaoina ai foi ele Minisita o le Matagaluega o Aoga ma Aganuu se tasi o tusi taua a le Matagaluega, o se tusi faasinoala e mo Puleaoga uma lava a le atunuu.
Na momoli le faamalo ma le faafetai a le afioga Seuula i le tulai mai ai o lenei galuega taua ma aoga, mo fanau a le lumanai o le afioaga o Siufaga Falelatai.
