Toe tasi le tausaga atoa le afa senituli talu ona aloaia le faapaaga a Samoa ma Saina, ae o lea ua umusa lona ofisa fou autu lona lua, i Avele.
Ole sauniga e tatala ai le ofisa lona lua o Saina i Avele ile faaiuga o le vaiaso, na saunoa aloaia ai le afioga ile Palemia o Samoa, Fiame Naomi Mataafa, ma ia momolia ai le faamanuia a Samoa, ile faamanatuina o le tausaga fou a Saina, i lona tausaga o le dragon.
O le 1975 na amata ai le faapaaga, pei ona saunoa le Palemia sa fai lo latou ofisa, 1978 i Matautu, 2006 ua faatu lona ofisa autu muamua i Vailima, ae o lea ua faasee i le isi fanua o le malo e maualuga atu.
Ma fesagai ai nei ma le ofisa autu o malo tetele o le lalolagi, Saina ma Amerika e le mamao ma le Mataaga o Tusitala, Lopati Louis Stevenson.
O le 2021 na amata ai le galuega ma fetaui ma le faama’i tele ole Koviti-19, na faato’a faauma ai ile tausaga na te’a nei, 2023.
Saunoa le Palemia, o le umusaga ole maota fou lenei o Saina, o lesi lea pine ole mausali o le faapaaga a malo e lua. pei ona molimauina le tali mai ile taimi o aafiaga o Samoa ile faama’i tele koviti. Ae o tulaga tau i le siitia o le soifua maloloina, aoaoga, faletaalo, ma toleniga, ae o le mata’ituina o itu e faaauau ai le atina’e tau tulisi.
Na faafetaia foi e le Palemia le sao o Saina ile atinaeina o Samoa, ma ia faamanuia ai ile Tausaga fou ua faamanatu faalevaomalo o Saina.
