E silia ma le afa miliona tala le tau aofai o atinae e lua o le vai faamalu ma le fale o le komiti a tina ma tamaitai a le afioaga o tufulele lea na tatala aloaia ile aso ananafi.
O atinae lea na tatala aloaia e tusa lona tauaofai ma le valu selau iva sefuluvalu afe fituselau tolusefulu tasi ma le fa sefulu sene ae o le tausaga na tea nei lea na amata faatalanoaina ai e alii ma faipule o le afioaga lenei poloketi e tatau ona faatinoina.
o se matati’a lea i le latou fuafuaga mo le 10 tausaga.
Na auai le Palemia Fiame Naomi Mata’afa ma le Minisita Mulipola Anarosa Ale-Molio’o, ma fa’ailoa ai le fa’amoemoe o Tufulele i le atina’eina o agafesootai ma le tausiaina o le siosiomaga.
O lenei poloketi na mafai ona maua e ala i sao limafoai mai le ADRA Samoa & Niu Sila, le Fono Fa’aitumalo, ma isi lagolago a le atunu’u.
O le galuega e aofia ai le pa puipui faataamilo i le vaitaele o le nuu, tamai fale e siomia ai le vaitaele, moli o le la, se alalaupapa u’amea i totonu o le vaitaele ma faasitepu sima ma le fale komiti fou i ona tafatafa.
