Usuia le fonotaga lona 15 o le Soifua Maloloina a le Pasefika

SHARE NOW

O loo auai atu le Minisita o le Matagaluega o le Soifua Maloloina le afioga ia Valasi Luapitofanua Tafito Selesele, mo le fonotaga lona 15 a Minisita o le soifua maloloina o le Pasefika o loo faatautaia i Toga.

Sa amata faavae mai lenei fonotaga i le tausaga e 1995, ina ua manomia e le Pasefika ona tali atu i nisi o faaletonu ua faamaonia le aafia tele ai o le soifua maloloina o le Pasefika

O le auga ma le faamoemoe o lenei fonotaga e soalaupule ai nisi o auala ma tomai faa le soifua maloloina e mafai ai ona taofia nisi o faamai pepesei ae o le tino puta i tupulaga talavou.

Ma o loo aofia ai lenei fonotaga se avanoa e talanoaina ai e le Pasefika tulaga o loo maitauina le faaletonu i totonu o le Soifua Maloloina ua tatau ona foia ae poo a foi ni auala e ono foia ai.

Peitai o le nauanautaiga o lenei fonotaga ia maea ane ae ua o gatasi ma fuafuaga o atinae faaauaua e pei ona soalaupule i iugafono a Malo Aufaatasi, ae ia ausia foi taiala na faamautu mai e le faalapotopotoga o le soifua maloloina.