Ua taga’i mamao ai nei le Matagaluega o leoleo ma Falepuipui, i ana matafaioi ma tiute tauave, i lesi lua tausaga o lumanai. Peta’i na saunoa lona Sui Komesina Papalii Monalisa Keti ina ua fesiligia e Tusitala faatatau i se isi taimi e faatamaia ai laau malosi faasolitulafono ua i lima o leoleo.
Pei ona sa sau ai i tausaga ua tuana’i, ae o le aoga fana lea e gata mami ai, e lata i le 200 fana solitulafono o soo se ituaiga sa ao mai i totonu, faaputu faatasi ai ma fana e maua i osofaiga a leoleo. ae mulimuli ane faaleaga ma ave tia’i ile moana loloto.
Saunoa le sui Komesina ia Papalii,
O le Fono a Taitai o Malo o le Taupulega, Commonwealth Heads of Government Meeting e talimalo ai Samoa i le 2024, lesi lena o itu o loo tapena iai le matagaluega.
Aua e omai ai taitai o malo e 54 ole lalolagi o loo i lalo o le li’o a Malo o le Taupulega, mai lava i Aferika, Asia, Caribean, ole Pasefika ma Europa.
Ole fono lea e ta’i lua tausaga ma usu e feaua’i lava malo e tali, talu mai le 1971.
Fono talu ai nei o le 2018 i Peretania ma o le ‘a faato’a toe usu ai lea talu ona aafia le lalolagi i le faama’i tele o le Covid19. . O le auga lava ina ia toe faamalosi’au ile sootaga o malo, ma toe fatufatu avanoa ae o luitau mo tupulaga ole lumana’i. .
Ae mo le puipuiga o le saogalemu o Samoa lea e ao ai e leoleo fana solitulafono i le atunuu.
O laau malosi na ao e aofia ai rifles, pistols ma shotguns. O pulufana e tusa ma le 686 mo fana eseese, na ave uma lava i leoleo ae tufa atu i tagata na avanea fana ni pepa tala oloa.
