Valaau le mataupu ale teine ua maliu, maliu foi lesi ana molimau

SHARE NOW

Ua fa tausaga talu ona maliu le teine talavou, 18 tausaga le matua , ae olea faatoa valaau ai ile vaiaso nei le faamasinoga o lea mataupu.

Ole teine lea i lana tala a’o soifua, pei ona faailoa e le pepa o faamatalaga a le SVSG Samoa Victim Support Group,  ole 12 o ona tausaga na amata ai ona sauaina o ia e lona tama. O sauaga ia, o feusuaiga le mana’omia, ma sa molimauina ai foi e lona tina ma le tina o lona tina le ma’itaga ai ole teine lea i lona tama.

Ma e le’i faatasi ona tupu lena faaletonu ile teine, Ua maliu le tina o lona tina sa ia faamatala taualumaga ole faatupuma’i ile teine lea pei’ta’i na faato’a oo ane le mataupu lea ile Toomaga mo e Puapuagatia ile masina o Setema 2018.

O iina sa faamatala uma ai e  Sanarosa lona faafitauli ile va o ia ma lona tina, ae o lona tama, ma sa tatou tuliloaina lava lenei mataupu ma faia iai suesuega mai lona amataga.

Mulimuli ane ma’i tigaina Sanarosa a’o i lalo ole vaaiga a le Toomaga ma avatu ai ile falemai ma maliu mai ai, ae o lana augani , “Ia gata ai iate a’u lea ituaiga o sauaga, mo se atunuu Kersiano, e tatau ona saogalemu fanau i o latou aiga, ae leai, o a’u sa sauaina, e talosagaina ai matua, faamolemole alolofa ia tou fanau.”  ;

Ole 12 o tausaga o Rosa na amata ai sauaga ia te ia i lana tala, ma sa avea ose avega mamafa, pe tautala e faailoa pe gugu, ai pea. Ae ile mavae ole ono tausaga ua faasolo ina matua ma maua lona saolotoga, ae ua amata foi ona ma’i, pei ona molimauina ile Toomaga ina ua taunuu atu iai.

Sa maitauina e iai le faaletonu ile teine, ua sesega lona tino, ma auvaivai, sa iai le loto ita, ma le loto tiga.

Sa faia iai fesoasoani e aofia ai ma le ave o ia ile falemai, na maitauina lava le taumafai ole teine e tetee atu i tiga o le ma’i o feagai ma ia. Ma oso ai lona strolke ile faaiuga o le Novema ma pe ai lona itu agavale . Ole fia ola o Rosa sa taumafai lava e finau.

Ole masina o Tesema ole tausaga lava lena 2018 na maua ai le tala e ono maua ai le avanoa o Rosa e ave i Niusila e togafiti ai ma sa fiafia ai lava. Peitai na faatoa maua le tala mai le foma’i ia Ianuari o lona lipoti . Ma sa nofo tatalo ai paaga a le Toomaga ile lalolagi, mo le faafaigofie ona tali atu i ona tiga.

Ma sa faafetaia ai leoleo, foma’i, auaunaga a le falemai i fesoasoani uma i lena taimi.

O ona toe sauniga sa faia i le aso 14 o Fepuari, 2019 ile 10am , ile malumalu, ale Ekalesia Iesu Keriso , ole Au Pa’ia o aso e gata ai, Fasitoo-uta.

O le aso faatoa valaau ai le mataupu lea ile faamasinoga, peita’i ua maliu le tina matua o le teine , o lesi o molimau, e ese mai le tina ma le fanau, sa latou molimauina le faapito lava ole alofa o le latou tama ia Sanarosa.