O loo aumai lava le faamanatu ma le logologo puialii a le Pulega o turisi i le mamalu o afioaga uma ina ia galulue faatasi loa e faamama ma teuteu ‘a’ai ma luma fale ao toe ono masina o loo totoe ona amatalia lea o le fonotaga tele ia Oketopa 2024.
O le masina o Aukuso ua iai le faamoemoe o lea faasolo ai loa i tua i afioga uma o Savaii, Upolu, Manono ma Apolima le asiasiga tele a le Komiti e asia afioaga taitasi ma a latou tapenga.
Ae faatoa faatino le laugatogi ia Setema, o le nuu poo le afioaga e matagofie ma aulelei le teuteuina o a latou luma fale, ‘a’ai ma soo se vaega o tafa ala o lea faamanuiaina i ni faailoga ua tapena e le pulega.
O le toai taunuu mai ai o le silia ma le afe o tagata o lea auai mai ilea fonotaga tele o lea asiasi ai loa i Samoa atoa, o mataaga, o faletalimalo ma le tele o nofoaga e ono asia i lea masina pisi.
