E lata i le toa 100 fanau o loo i le Toomaga na valaaulia faapitoa e le Pule o le faletalimalo o le LAVA i Sogi le afioga John Flannery mo se aiga tele, e aofia ai ma i latou o loo nafa ma le tausiaina o fanau.
Ma faia se aiga tele i le maea ai o faafiafiaaga a le aufaigaluega o le faletalimalo i le po anapo.
O le taimi muamua lea ua mafai ai e fanau nei ona asiasi atu i nei foi faletalimalo, ma faatino foi a latou itema e pei ona masani ai.
O le agaga fiafia o le Peresetene poo le faatina o le Toomaga ia Siliniu Lina Chang na momoli aloai i le maea ane o taumafataga ma ata tifaga sa matamata.
E tusa ai ma le agalelei o lea foi tama fai pisinisi ona o lona sao taua mo alo ma fanau o loo i totonu o le Api o faamoemoega poo le campus of hope
Peitai o le faaiuga foi o le vaiaso na sei mavae atu nei na tatala mai ai le avanoa e a’oa’o Piula lo latou vai taele tulou, mo fanau uma o le toomaga e aunoa ma se totogi.
Na faafetaia e le Toomaga ma lana pulega le mamalu o le atunuu o loo tuuina atu avanoa le aumaua faapenei mo le faa fiafiaina o fanau ao lumanai ai le Kerisimasi ma le tausaga fou.