10 Tesema 2024: O le vaega o faigafaiva mai ile Matagaluega o Faatoaga na latou faatautaia asiasiga ma galuega masani, I tua i nuu ma afioaga taitasi o loo faia faatoaga Tilapia I Samoa nei.
E pei ole afioaga o Falelima, Tufutafoe, Auala, Sato’alepai, Safotu, Patamea, Satupaitea ma Malae Faga.
O ia galuega sa amatalia mai le aso 3 ile aso 5 o Tesema ole vaiaso na te’a nei.
O nei galuega e taua tele, mo le mataituina ma le vaaia lelei o atinae tau tilapia, ma e o gatasi ma nisi o sini autu ma faamoemoega ale matagaluega, e lē gata ile mafai ona fesoasoani ai ile fofoga taumafa, aemaise le itu tau tupe, mo se manuia o Samoa ma ona tagata.
