O le malolosi tele o finauga a au e lua o Moataa ma Vaiala i le sailiga o le talita ile faaiuga o le vaiaso na tea nei, na toe se’i ai e le Kalapu a Moataa le talita sa ile kalapu a Vaiala i ai e 21-17.
Ma afua ai ona tupu se feseeseaiga i le va o le au maimoa ae leo tama taaalo, e pei ona faamanino mai e le pulenuu o le afioaga o Vaiala, le tofa ia Ululalata Kaino Samau.
Peitai na faamanino e Ulu e sao sa tulai se feeseeseaiga i le va o le au maimoa ao ia tau mafai e faatoafilemu le isi itu o le nuu ma le au a Vaiala.
Ae ua afua nei faafitauli o ni faamatalaga na felafoai e nisi o le au maimoa ao lamalama faaiu ai le taaloga.
Ma e lei mafai ona faamaonia mai e le tama o le afioaga le faamatalaga e faapea sa iai ni laau malosi poo ni fana tulou na faapapa i lea aso.
Ae o lea ia tuuina atu se fautuaga i taitai o kalapu nei e lua e tatau ona iai ni alii malu o le malo i soo se taaloga e fai aua e moni o le afioaga e tasi ae e oo loa i faagatama o le lakapi, e iai lava feeseeseaiga.
Saunoa le tofa ia Ulu o lea ia ave faamataupu lenei faafitauli i le tau aofiaga a le afioaga o loo loma nei.
