Viiga ole 60 tausaga o Samoa

SHARE NOW

Folau ma le faatuatua, lea ua ta’imua ai lenei vaiaso o sasa o le Sisigafu’a lona 60 a Samoa ma le toe tatalaina ole Teuila, masani ai, i le uma ane ole lua ma le afa tausaga o aafia feoaiga i tapu  ole faama’i tele ole koviti19.

Na tamua ai ile sauniga lotu ma viiviiga faaleagaga,   na Taita’ia e le Susuga a Mosese Mailo o le

Pule o le Kolisi faafaifeau a Piula, ile maota o le EFKS i Mulinuu. Na auai iai le afioga i le Ao o le malo,Tuimalealiifano Vaaleto’a Sualauvi ll ma le faletua Faamausili Leinafo, sui o le fono a sui tofia,  afioga i le Palemia, Fiame Naomi Mataafa, Kapeneta, Kovana o NIusila , sui o malo mai fafo, ma faaulu o matagaluega, ae o le atunuu lautele.

Na saunoa ai le afioga i le fofoga o le faamoemoe ole afiafi o le Aso Sa, 4 Setema 2022, Tanuvasa Petone Mauga, Komesina ole Pulega o Fuimu ma Faalavelave faafuasei, o le sui ole Komiti tapena o le polokalame, e faafeiloa’i aloaia i le mamalu na auai i le sauniga lotu faapitoa.