Ua fautuaina mai e le Pulega o Tineimu ma faalavelave faafuasei le mamalu o le atunuu e ala i se latou polokalame tuu sao i luga o le alafaasalalau a le Malo.
Ina ua maitauina vaiaso ua mavae o tulai mai le tele o faalavelave e le gata o faalavelave tau taavale ae o mu i maota ma laoa ae o pisinisi.
Peitai ua fautuaina mai e le sui Komesina o le Pulega o Tineimu le afioga ia Aufa’i Alao Petaia Tausanimaiomanu le mamalu o le atunuu ina ia utagia atu fautuaga mo le saogalemu lautele.
E pei o le toafia o le susunuina o lapisi aemaise lava o le vaitau matutu lenei o le tausaga ma ua maitauina foi le faatupulaia o le vevela.
Peitai saunoa le sui Komesina sa maitauina le mu na tulai mai Vaitele i le ogatotonu o lenei vaiaso nisi o le mamalu o le atunuu na muai maua lea faalavelave.
Pe tusa o le lima minute o faia a latou live tuusao i luga o upega tafailagi ma tapue ata faatoa logoina atu i latou, e taunuu atu ua sosolo le sasao a le afi.
Ma afai foi ae o atu e matamata i le faalavelave tautuana lou sa ma fanau iti e tuutuu i tua ma le auala o loo faaoga e le Pulega o fuimu ma ana paaga e faatino ai le galuega fesoasoani.
