Na toe maua le to’afilemu ma faafetaia ai e se vaega na tutu I laina o faletupe, le malo , ina ua toe faaopopo le tolu itula mulimuli o lana poloaiga 72 (6)1)
Ole ono itula na uluai faalauaitele mai, le 8am-2pm e fai ai faatau ma gasolo ai e fai siaki ole koviti, ae o tui puipui faaauau, ma le talaina o tupe faamomoli, sa molimauina ai le nanati ole faiga o fuafuaga e tuli le taimi, ae lei lava.
Ile molimau a le tina ia Mafi Fui, e ta ane le 12 ile aoauli ole aso Toonai 26 Mati, e uiga ese le uumi o laina I faletupe mo tupe faamomoli mai fafo, a aiga o loo faamoemoe faatauga I faleoloa I tupe ia e faatali, na maua ai ia I le faletupe o le Money Transfer. o itu lelei na ia maitaua ole masaa mai ai lea o faamanuiaga tau tupe I aiga I fafo. Ma le aoga o galuega faavaitaimi lea ua tua iai aiga pei o lona aiga, sa le masani ona tutu ini laina uumi faapenei. Ae e tasi lava si ana tama o loo galue faavaitaimi i Niusila, lea ua manuia ai lona aiga. Taimi nei , e leai se isi o faigaluega ae ole latou lea alagatupe ua iai.
Peita’i, o le uumi o laina na maua ai isi ile timu faaaoauli, e ese mai le vevela sa tutu ai silia I le afa itula o faatalitali.
O poloaiga o puipuiga o le koviti sa uluai amata mai ile 8 ile taeao, ile 2 ile aoauli.
Ma toe faaopopo e le malo lesi tolu itula mai le lua ile aoauli ile 5 ile afiafi.
E ui ina sa molimauina e leoleo tagata na le usitaia sa ole faama’I, ae ole manaoga ia amata ai ona galulue faatasi le atunuu e tausia poloaiga pei o le tutu vava, lesi mafuaaga o le uumi o laina, e le gata i nofoaga faapitoa mo tuiga , ae o suega pe maua ile siama, o laina i totonu o faleoloa, ae o fale tala tupe faamomoli.
Ae ole faaamamafa a le malo, o aiaiga uma ua faataatitia mo le puipuiga e faititia ai le pepesi ole faamai ole Koviti 19:
pei o le:
Faamalosia le faia o talifofoga I taimi uma
Fa’amalosia le tausia o le va ma isi tagata (social distancing)
Fa’ataua le fufulu o lima
Ia tauave i taimi uma pepa tui o le KOVITI-19 (vaccination card, ma ua faalagolago le malo ile galulue faatasi e puipuia Samoa mai lenei fa’ama’i mata’utia.
