Faaititia tagata palota o Gagaifomauga 2

SHARE NOW

Ua toesea ai se vaega o tagata palota a Gagaifomauga 2 mo galuega faavaitaimi I Niusila ma Ausetalia.

O Gagaifomauga 2 lea o loo tapena I lana palota laititi I le aso 3 o Iuni. Ile palota tele o Aperila, e tusa o le 1,447 tagata na fai a latou palota, e aofia a ma palota e lei faaaogaina e fitu.

Toe fa vaiaso o loo totoe ona alo loa lea o le itumalo o Gagaifomauga Numera lua i lana palota latiti. O le tala lata mai ile sui o le Itumalo oloo tapena e alu ile palota na ia ta’ua ose taimi lata mai e faalauiloa ai lona faamoemoe e lana vaega faaupufai.

Lea ua faamautinoa mai le avatu foi ole lagolago a le Vaega faapufai a le FAST ia te ia. O le tasi foi lea o tamalii sa taumafai e alu i le Palota tele o Aperila ole tausaga talu ai.

Peita’i o le metotia a le FAST, ile palota tele o le 2021, “ia tasi le itumalo tasi lona sui tauva”, pei ona saunoa lona Ta’ita’ifono, Susuga Laaulialemalietoa Polataivao Leuatea Polataivao Fosi Schmidt.

Na afua ai ona ave le faaaloalo a sui e toalua a le FAST ile Afioga a Vaele Paiaaua Iona, na manuia ai le palota a le FAST mai le itumalo lea. Peita’i ole tuua ai o le malo e le Afioga a Vaele ile masina o Mati 25, ua avanoa ai loa le nofoa.

Ma ua agavaa ai loa se tasi o le to’alua na fia tauva i le nofoa lava lea ile palota tele mo le palota laititi ia Iuni 3 2022. Na saunoa le taitaifono o le FAST, o sui foi na o lo’o ave iai le famuamua a le latou vaega faaupufai.

O Gagaifomauga ll e aofia ai afioaga o Paia , Samauga, Lefagaoalii, Matavai Faletagaloa ma Fatuvalu.