Ua i ai nei le fuafuaga a le malo, pei ona saunoa le afioga i le Palemia, Fiame Naomi Mataafa, “o le a faagasolo le tuiga i itumalo taitasi i Upolu i le Aso Tofi nei 31 Mati, ae Aso Farile 1 Aperila e amata ai Savaii.
I le taimi nei, o loo maulalo le pasene o i latou ua uma maea tui lona tolu ona o le tulaga i le faasolosolo o le maua mai o vailau.” Peitai o le uta tele o vailaau lea ua taunuu mai ile vaa ole aso 29 Mati, o le a mafai ai loa ona faasolo le tuiga i le atunuu ina ia vave ona faasopolia.
“E faapea foi i le toe autalaina o tui muamua mo le fanau iti mai i le 5-11 tausaga le matutua mo Upolu ma Savaii aemaise i latou na misi i tuiga na faasolo muamua.
Saunoa le afioga i le Palemia e 70,000 tui o le Pfizer lea na taunuu mai ile aso Lua, ua fuafua e faatino ai le tui lona tolu o tagata matutua e amata atu i le 18 tausaga le matutua agai i luga, ma faasopolia ai le vaega talavou i lalo ifo (11-17) tausaga le matutua e lei maea o latou tui.
Ae ise vaega o lana saunoaga faapitoa i galuega faaauau pei ona ta’ua i lalo:
“I le taimi nei, o loo maulalo le pasene o i latou uma maea tui lona tolu ona o le tulaga i le faasolosolo o le maua mai o vailau. Peitai o le uta tele o vailaau lea e taunuu mai taeao, o le a mafai ai loa ona faasolo le tuiga i le atunuu ina ia vave ona faasopolia.
E faapea foi i le toe autalaina o tui muamua mo le fanau iti mai i le 5-11 tausaga le matutua mo Upolu ma Savaii aemaise i latou na misi i tuiga na faasolo muamua.
O le mau faavae o lenei fuafuaga, e matuā moomia ona opo tui lona lua, ma faatino le tui lona tolu e saga tapena ai o tatou tino e tatali le faamai.
O le a mafai ai foi ona fetuunai le aufaigaluega a le Soifua Maloloina ma isi a tatou aufaigaluega muaau, e faatino tuiga ma auaunaga tau i le puipuiga ona o loo siisii i luga le fuainumera o i latou ua aafia i le faamai.
E faapea foi ona faatulaga ma lalago tonu ma fuafuaga a Matagaluega ma Faalapotopotoga a le Malo, Pisinisi tumaoti, Ekalesia, ma tapenaga a Nuu ma Afioaga taitasi mo le agai atu i le lumanai, i le mau tauave o le laasaga fou i lo tatou soifuaaga faaletagata ‘o le soifua faatasi ma le Koviti 19’.
E le gata la i le uunaia o lo tatou puipuiga faasoifua maloloina, ae faapena foi i le vaai mamao ma le agai atu i le lumanai o a tatou fuafuaga mo le lumanai manuia o le atunuu.
