E le’o tutusa le vaai a faamasino Papalagi Justice Robert Fisher ma Justice Raynor Archer, i le tulaga ole tamaitai loia, ia Maiava Visekota Peteru o ia ose loia ole faamasinoga a Samoa (officer of the court) ma isi tagata lea sa latou molia faatasi ile faalemigao i faaiuga fai a le faamasinoga.
O ta’ua foi e faamasino, ose faalumaina lava lea o le galuega faaloia. ( “has brought dishonour on her profession.”)
Ma fesiligia ai e le Leitio Polensia le afioga a Maiava mo sona fingalo faaalia i lea vaega o le faiuga a faamasino,
Peita’i, e le’i tali le afioga a Maiava ile fesili, ae na’o na faapea mai, “o loo maitaitu ai nei e lana loia le faaiuga.”
Ae i lana saunoaga faalauaitele i luga o le polokalame a le HRPP ma le aufaasalalau i le Aso Tofi 24 Mati , 2022.
(Play Audio)
Na faamaonia e le faamasinoga solitulafono a Maiava, ma le taitai ole vaega faaupufai a le HRPP, Tuilaepa Sailele Malielegaoi, Failautusi ma le Faipule ole HRPP, Lealailepule Rimoni Aiafi. Ole taunuuga ole tagi a le FAST ma le afioga i le Palemia, Fiame Naomi Mataafa, i lo latou le migao i le Pule a le Faamasinoga. faatatau i faaiuga o faigapalota.
Peita’i e lei faia ni faasalaga a le faamasinoga talu se itu faapitoa na latou aloaia.
Ae ile 39 itulau o le faaiuga tusitusia a le faamasinoga, o ta’ua ai le faatalanoaga na faia a Maiava i luga o le letio ma le televise o agia ai lona tuuaia e le faamaoni le faaiuga a le faamasnioga, atoa ai ma le au o le faamasinoga ile tamaitai Palemia.
O ta’ua e faamasino, e le tutusa le mamafa o lafoga a Maiava, ma itu tali , tasi ma le lima. ae o lesi foi itu, o ona manatu e sili atu foi talu o ia o le loia, ma sa tatau ona sili atu sona silifia, pei tusia e le faaiuga.
Ae i lana faamatalaga ile faamasinoga, na ia talia ai le toe faaui tua oni ana tala na fai, e aafia ai le vaai a tagata lautele ile amiotonu a le faamasinoga, ma ana faaiuga fai , ma ia faatoese ai, ini aafiaga oni ana faamatalaga lafo ua tuumaulalo ai le faamasinoga.
O taua foi e faamasino, ua faamaonia le faalemigao a le loia i le faamasinoga, sa alagatatau lava ona faia le faasalaga . Ae o le Maliega o le fealofani lea ua faamalumalu ai lalo isi foi faasalaga. Ae o le maliega lea ua pei lava ose manaoga na avane, ae lei tupu muamua lava i le faamasinoga. ma o atagia foi o le itu tagi sa lei mautonu so latou tulaga i taualumaga a le faamasinoga, ma na faigofie lava foi ona malilie.
Peitai ile itu a le Palemia ma le vaega faaupufai, a le FAST e tutusa lava le faaauau ma le le faaauau o le faamasnoga.
Na talia foi e le faamasinoga, i lana maitau, o le malo ua filiflia e tagata o Samoa, o loo latou silafia le mea sili atu mo le atunuu.
