E lei oo iai faatalanoaga a le malo ile taimi nei, e fai se faatatau ile faataatia ese lea o lafoga poo taxes mai oloa tau taumafa, pei o le suka, falaoamata, alaisa apai’a, ga’o fai meaai, peita’i e le faapea e le mafai ona taga’i iai.
Pei ona tali saunoa mai ai le afioga i le Sui Palemia, ole Minisita o le Matagaleuga o Tiute ma Lafoga, Afioga Tuala Iosefo Ponifasio, ina ua fesiligia e le leitio Polensia, pe leo se tasi lea itu e tagai i ai lana matagaluega i le taimi lenei o le vaivai o le tamaoaiga o tagata talu le taunuuga ua oo iai le pepesi o le faamai Covid19.
Saunoa Tuala: ile latou tau faatusatusa ile itu lena, e maualuga lava se tau e le ititi ifo i le $100miliona tala ile tausaga, ma fesiligia ai loa pe faamata e gafatia e lo tatou atunuu ona faia lena tulaga.
Ona ua iai foi isi vaega ua faatulaga faaletausaga a le malo, mo lana tala faasoasoa o tupe alu. Pei o le fuafuaga e amata le $51miliona tala ile tausaga alu sao lava i tagata o le atunuu, faatasi ai ma le polokalame e siitia ai tulaga atinae o Samoa.
Na ia ta’ua o loo fai e le malo o Fiti le tulaga lena ma folafoa ai le faataatia ese o ana lafoga i meaai mana’omia.
Ae ole tatou malo, o loo ave le faamuamua i ona tagata soifua, ma o loo faagasolo pea ana faatalanoaga, ina ia taunuu mea o ave iai lana faamuamua.
Peitai o tulaga masani ai lava o le Vaega a le faipisnisi e tapena se folasaga i le Matagaluega o Tupe, sosoo ai ma le avatu ile kapeneta mo lana faaiuga.
Ae o loo faauaua pea foi le iloiloina ose taumafaiga e faapa’u lafoga o taumafa soifua maloloina pei o fualaau suamalie taumafamata fruits ma fualaau fai sua veggies.
Ae ile taga’i a le afioga i le Sui Palemia, mo le taimi nei, e le’o mana’omia ona toe faaopopo atu se isi faaititia o lafoga i luga o ia oloa taumafa.
Ole vaiaso talu ai na faalauiloa ai e le malo o Fiti, e amata au i le aso 1 o Aperila 2022, ua leai ni lafoga e totogia ia latou taumafa pei o falaomata, apai’a, ga’o, pateta, aniani, aniani saina, susu, lauti, masina, kalasini kesi ogaumu faimeaai pepa faletaele potatoes, kalasini, Kesi o ogaumu fai meaai, fasimoli, pepa faletaele, ma paste fulu nifo.
Ile toe iloiloina ole tupe faasoasoa lea o le 2021-2022 a le malo o Fiti, na ta’ua ai e lona Minsita o le tamaoaiga, Auyaz Sayed Khaiyum, olea vaega o ana tupe faaititia, e alu sao ai lava le tusa o le $163 miliona tala o lafoga i tagata nuu o Fiti, faamama avega i aafiaga ole faama’i . Na ia ta’ua foi ole a faauaua lava ona Iloilo le tau o taumafa ma isi oloa mana’omia ao iai i lenei vaitau.
