Ua tuua ai nei le malo e le afioga i le Faipule o Gagaifomauga Numera 2, Susuga Vaele Pa’ia’aua Sekuini.
O le taeao o le aso Faraile 25 o Mati 2022, na faate’ia ai lona aiga i Vaitele, “o le ma’i oso, ma valaau ai lava taavale Ambulance ma avatu ai ile falemai i Motootua.”
“E lei ma’i, e leai foi se ma’i na maua ai.” na avatu ile falema’i ma e le’i manuia taumafaiga, ma maliu ai lava i itula ole vaita ole taeao. na tali mai e le tasi o ona alo, lana telefoni mai le falema’i, na faamaonia le faaletonu na tupu. Peita’i e le’o iloa pe aisea na oso ai le ma’i ma “palasi ile fale,” vili loa tavaale ambulance ma avatu ai ile Maota gasegase i Motootua, e talanoa mai lona alo, ao iai uma lava ma lo latou tina i lea taimi, le Susuga Tupuola Mati Sekuini.
O le afioga ile faipule, ua 57 tausaga o lona soifua. ,
Na ia faoa le nofoa o le itumalo o Gagaifomauga numera 2 mai le sa avea ma Minsita lagolago o Faamasinoga, tofa a Sooalo Mene.
I tofiga a le faigamalo a le FAST, Faatuatua i le Atua Samoa ua Tasi ile tausaga talu ai, na totofi ai ile Minisita lagolago o le Matagaluega o Faatoaga ma Faigafaiva,
Ma galulue vaavaalua, i lalo o le Minsita ole matagaluega, Susuga Laaulialemalietoa Polataivao Leuatea Polataivao Fosi Schmidt.
Na faateia foi ia, ma ose lagona faanoanoa tele, ona o lona lima taumatau lea ile la matagaluega,i lana tali puupuu na aumai i tatou tala ina ua fesiligia.
O le lagona faate’ia foi lea o lesi totino mai le itumalo sa lagolago malosi ile faipule, Talofa e, ose tamalii mae’u le tauagafau ma le loto alofa.
O le masina o Tesema 2021, na tofia ai e le Fofoga Fetalai o le Palemene, Vaele e avea ma Taitaifono o le Komiti o Tupe Faapalemene.
Ose tasi o laasaga na mitamita ai lona itumalo. O Gagaifomauga 2, e aofia ai, afioaga i Samauga o Paia ma Lefagaoalii, Matavai, Faletagaloa ma Fatuvalu.
Ua tuua le malo e le Afioga i le Faipule ae tuua ai lona Faletua le Susuga Tupuola Mati ma le nofo alo.
